MENU
  • Исәнме, кунак! Сайтыма рәхим ит!

    Әдип вә галимнәре булмаган кавем бәхетсез, мәшһүр кемсәләрен оныткан халык көчсез, әдәбияты булмаган милләт рухсыз. (Ризаэддин Фәхреддин).

    14.01.2012
  • Хәерле сәгатьтә! Кергәләп йөр!

    Дөньяда яшәргә hәм башкалар рәтендә гомер сөрергә теләгән милләт үзенең үткән көннәрен белсен hәм үз тарихы белән дус булсын.(Ризаэддин Фәхреддин).

    14.01.2012

(Казан, 8 сентябрь, «Татар-информ»). Татарстан Республикасы Президенты Рөстәм Миңнеханов бүген, Казахстанга эш сәфәре кысаларында, Уральск шәһәрендәге Габдулла Тукай музеенда булды. Бу хакта Бөтендөнья татар конгрессы матбугат хезмәте хәбәр итә.

Бу хакта тулырак: https://tatar-inform.tatar/news/2018/09/08/171165/

Караулар: 174 | Өстәде: остаз | Дата: 08.09.2018

(Казан, 6 сентябрь, “Татар-информ”, Динә Йосыпова). Татар әдәбияты классигы, танылган публицист һәм җәмәгать эшлеклесе Гаяз Исхакыйның тууына 140 ел тулу уңаеннан, “Гаяз Исхакый һәм ХХ гасыр башында татар милли яңарышы” халыкара фәнни-гамәли конференция кысаларында “Рухи мирас: эзләнүләр һәм табышлар” текстологик җыентыгы (5нче чыгарылыш) нәшер ителә. Бүген Татарстан Республикасы Фәннәр академиясендә конференциянең пленар утырышында шул хакта билгеле булды.

Бу хакта тулырак: https://tatar-inform.tatar/news/2018/09/06/171044/

Караулар: 163 | Өстәде: остаз | Дата: 06.09.2018

(Казан, 6 сентябрь, “Татар-информ”, Динә Йосыпова). Ислам динен кабул итүгә 1000 ел исемендәге Казан югары мөселман мәдрәсәсе директоры Ильяс хәзрәт Җиһаншин Яңа Татар бистәсе зиратының юл күрсәткечен төзеде. “Юл күрсәткечнең төп максаты – Яңа Татар бистәсе зиратын кешеләр өчен уңайлы итү”, - диде ул “Татар-информ” мәгълүмат агентлыгы хәбәрчесенә.

Бу хакта тулырак: https://tatar-inform.tatar/news/2018/09/06/171058/

Караулар: 27 | Өстәде: остаз | Дата: 06.09.2018

(Казан, 6 август, "Татар-информ"). "Татар кызы-2018" Халыкара бәйгесенең финал өлешендә катнашучылар билгеле. Бу хакта Татарстанның Россия Федерациясендә вәкаләтле вәкиллеге хәбәр итә. 

Матурлык һәм сәләтлелек конкурсының ярымфиналы Казанда үткәрелде. Кызлар үзләренең белемнәрен, кул эшләренә осталыкларын күрсәтте. 

Бу хакта тулырак: https://tatar-inform.tatar/news/2018/08/06/169173/

Караулар: 126 | Өстәде: остаз | Дата: 06.09.2018

(Казан, 29 август, “Татар-информ”, Зилә Мөбәрәкшина). Татарстанның Язучылар берлеге әгъзасы, шагыйрь Ренат Харис законнар чыгарып кына китап укучыларын арттыру мөмкин түгел, дип саный. Бу фикерен ул кичә Татарстан Республикасы Язучылар берлегендә “Россия Федерациясе мәдәни киңлегендә милли әдәбият” дип исемләнгән түгәрәк өстәл утырышындаәйтте.

Бу хакта тулырак: https://tatar-inform.tatar/news/2018/08/29/170561/

Караулар: 95 | Өстәде: остаз | Дата: 29.08.2018

(Казан, 29 август, "Татар-информ"). Киләсе шимбәдә, ягъни 1 сентябрь көнне, "Мулла" фильмы Мәскәүнең Кино йортында күрсәтеләчәк. Бу хакта Татарстанның Россия Федерациясендәге Тулы вәкаләтле вәкиллеге хәбәр итә. 

Кинотасма "Будем жить" Мәскәү кинофестивале кысаларында тәкъдим ителә.

  • Тулы метражлы нәфис фильм татар телендә, русча субтитрлар белән эшләнгән. Ул Туфан Миңнуллин әсәре буенча Татарстанда төшерелгән. "Мулла"да рольләрнең берсен  танылган артист Марат Башаров башкара. 

Бу хакта тулырак: https://tatar-inform.tatar/news/2018/08/29/170562/

Караулар: 136 | Өстәде: остаз | Дата: 29.08.2018

(Казан, 25 август, “Татар информ”, Зилә Мөбәрәкшина). Бүген Муса Җәлил һәм аның көрәштәшләрен искә алу көне булып узды. Ул Муса Җәлил һәйкәле янында “Үлемгә һәм үлемсезлеккә” дип аталган театраль тамашабелән үрелеп барды. Чарага Муса Җәлилнең кызы – Чулпан Җәлилова да килгән иде.

“Үлемгә һәм үлемсезлеккә” дип аталган театраль тамашада катнашкан 11 актер-егет җәлилчеләрнең тарихын кичерде, үзләрен алар ролендә сынап карады.

Бу хакта тулырак: https://tatar-inform.tatar/news/2018/08/25/170351/

Караулар: 109 | Өстәде: остаз | Дата: 25.08.2018

(Казан, 13 август, “Татар-информ”, Зилә Мөбәрәкшина). Бу көннәрдә татар телендә “Common Voice” дип исемләнгән сөйләм таныгычы булдырылды. Оештыручы сүзләренчә, тупланган тавыш үрнәкләре сөйләм тану системаларында гына түгел, татар телен өйрәнүчеләргә сөйләмне камилләштерүдә куллану өчен дә бай материал була ала. Шуның өчен киң җәмәгатьчелекнең, күпсанлы волонтерларның ярдәме бик мөһим. Бу хакта “Татар-информ” агентлыгы хәбәрчесенә сөйләм таныгычын гамәлгә куюда катнашкан Мансур Сайхунов хәбәр итте.

“Күптән түгел без бергәләп Intertat.tatar сайтына "Тәлгать" сөйләм җыйнагычын урнаштырган идек, ягъни текстны сөйләмгә күчерә торган программаны. Киресенчә кеше сөйләмен текст формасына күчерү системалары исә сөйләм тану өлкәсенә карый. Монда иң танылганнардан "Ok, Google!" (Google), Siri (Apple), Алиса (Яндекс) системаларын атап үтәргә була”, - ... Алга таба укыгыз »

Караулар: 93 | Өстәде: остаз | Дата: 13.08.2018

(Казан, 12 август, "Татар-информ"). Омск өлкәсендә тәүге тапкыр Төрки халыклар корылтае уздырылачак. Бу хакта Омск татарларының "Мәдәният"  милли-мәдәни оешмасы хәбәр итә. 

Съезд вәкилләре 18 август көнне Тара шәһәренең Үзәк китапханәсенә җыелачак.  

Чараның максаты - Омск шәһәре һәм Омск өлкәсе иҗтимагый оешмалары һәм милли-мәдәни үзәкләрен берләштерү, үзара хезмәттәшлек итү һәм тәҗрибә уртаклашу. 

Көн тәртибендә мәдәни байлыкларны саклау һәм үстерү, гореф-гадәтләрне, телне саклау мәсьәләре хакында фикер алышу, дәүләт органнары, иҗтимагый оешмалар, мәдәни һәм мәгариф оешмалары белән үзара эшчәнлекне ныгыту, яшьләрне иҗтимагый эшчәнлеккә тарту ысуллары хакында сөйләшү күздә тотыла. 

Корылтай эшчәнлегендә хакимият вәкилләре, дин әһелләре, яшьләр һәм милли-мәдән ... Алга таба укыгыз »

Караулар: 91 | Өстәде: остаз | Дата: 12.08.2018

(Казан, 7 август, “Татар-информ”, Зилә Мөбәрәкшина). "Интертат" сайтында чыккан яңалыкларны хәзер тыңлап та була. Сайтка Ольга Яковлеваның RHVoice программасы нигезендә эшләнгән “Тәлгать” сөйләм синтезаторы (җыйнагычы) урнаштырылды.

Яңалыкларны тыңлау өчен хәбәр янында ачылган төймәгә басарга кирәк. Туктату, пауза режимнары бар. Синтезаторны тавышландыручы - Тәлгат Хамматшин. Киләчәктә башка дикторларның тавышларын урнаштыру да күздә тотыла. "Тәлгать" сөйләм җыйнагычын Интертат сайтына ялгау эшендә "Татар теленең язма корпусы"проекты авторлары (Мансур Сайхунов, Рөстәм Хөсәенов һәм Тәүзих Ибраһимов) ясаган технологияләр кулланылды.

Бу хакта тулырак:  ... Алга таба укыгыз »

Караулар: 94 | Өстәде: остаз | Дата: 07.08.2018

1 2 3 ... 7 8 »